Ուկրաինան, Վրաստանն ու Մոլդովան ֆինանսական աջակցություն են խնդրել ԵՄ-ից

18:18   16 Փետրվար 2020    320

Ուկրաինայի, Վրաստանի եւ Մոլդովայի արտաքին գործերի նախարարները ստորագրել են համատեղ դիմում՝ ուղղված Եվրահանձնաժողովին՝ խնդրանքով ուշադրություն դարձնել «Արեւելյան գործընկերության» երկրներին ֆինանսական աջակցության կարեւորության 2021-27 թթ. ԵՄ «Բազմամյա ֆինանսական հեռանկարի» շրջանակում, որն այժմ ձեւավորվում է Եվրամիության ինստիտուտներում:

Hayatsk.info-ն հայտնում է, որ այդ մասին տեղեկատվությունն ի հայտ է եկել շաբաթ՝ փետրվարի 15-ին, Ուկրաինայի ԱԳՆ կայքում:

Ուղերձում նաեւ խնդրել են «հաշվի առնել ծավալներն ու հավակնությունները բարեփոխումների, որոնք իրականացվում եւ նախապատրաստվում են Ուկրաինայի, Վրաստանի եւ Մոլդովայի կողմից եվրոպական ինտերգման գործընթացում», իսկ այդ հարցով դիմումը վկայությունն է «Արեւելյան գործընկերության» ապագա զարգացման հարցում այդ երկրների միասնական մոտեցմամբ:

2019 թվականի մայիսին Բրյուսելում անցկացվել է տոնակատարություն «Արեւելյան գործընկերության» հիմնադրման օրվանից սկսած, որում ներառված է Հայաստանը, Ուկրաինան, Վրաստանը, Մոլդովան, Ադրբեջանը, Բելառուսը: 2019 թվականի հունվարին Եվրահանձնաժողովն ու Համաշխարհային բանկը մշակել են միության երկրներում ենթակառուցվածքները զարգացնելու ծրագիր, որն իրագործելու համար կպահանջվի շուրջ 13 մլրդ եվրո, որը նախատեսված է շուրջ 4800 կմ ճանապարհ եւ երկաթուղի, ինչպես նաեւ նավահանգիստներ, օդանավակայաններ, լոգիստիկ կենտրոններ եւ սահմանային անցակետեր կառուցելու կամ վերանորոգման համար:

2019 թվականի փետրվարին Ուկրաինան եւ Վրաստանը ճանաչվել են առաջնորդներ «Արեւելյան գործընկերության» վեց երկրների միջեւ ժողովրդավարական բարեփոխումների եւ եվրաինտեգրման հարցում:

Hayatsk.info

Հեշթեգներ: Ուկրաինան   Վրաստան   Մոլդովա  


Վերնագիրի այլ պիտակները