Բրիտանիայում շրջանառության մեջ են դրել թղթադրամ՝ նկարիչ Թյոռների դիմանկարով

10:23   21 Փետրվար 2020    311

Մեծ Բրիտանիայում փետրվարի 20-ին շրջանառության մեջ է դրվել սինթետիկ պոլիմերներից նոր թղթադրամ՝ 20 ֆունտ (25,9 դոլար) անվանական արժեքով, որի վրա պատկերված է բրիտանացի նկարիչ Ուիլյամ Թյոռները (1775 – 1851 թվականներ):

Այն փոխարինել է անգլիացի տնտեսագետ և հրապարակախոս Ադամ Սմիթի պատկերով թղթադրամին, հայտնել է Անգլիայի բանկը, որը կատարում է Մեծ Բրիտանիայի կենտրոնական բանկի գործառույթները, տեղեկացնում է Hayatsk.info-ն։

Նոր թղթադրամը դարձել է երրորդը, որը Միացյալ Թագավորությունում պատրաստվել է դիմացկուն պոլիմերներից, 5-ֆունտանոց (2016 թվական)՝ Ուինսթոն Չերչիլի (1874 – 1965 թվականներ) դիմանկարով, և 10-ֆունտանոց (2017 թվական)՝ գրող Ջեյն Օսթինի (1775 – 1817 թվականներ) պատկերով թղթադրամներից հետո: «Պոլիմերներից 20-ֆունտանոց թղթադրամի պատրաստումը կարևոր քայլ առաջ է դրամանիշների կեղծման դեմ պայքարում»,- հայտարարել է Անգլիայի բանկի գլխավոր գանձապահ Սառա Ջոնը:

Այժմ շարունակում է շրջանառության մեջ գտնվել 20 ֆունտ անվանական արժեքով շուրջ 2 միլիարդ թղթադրամ՝ բամբակե հիմքով: Նոր դրամանիշը, կենտրոնական բանկի հաղորդագրության համաձայն՝ ամենապաշտպանվածն է Անգլիայի բանկի կողմից երբևէ թողարկված թղթադրամներից՝ երկգույն պոլիգրաֆիական նրբաթիթեղով և հոլոգրամով:

Hayatsk.info

Հեշթեգներ: Բրիտանիա  


Վերնագիրի այլ պիտակները