Թրամփը Մոդիի հետ հանդիպմանը կբարձրացնի Հնդկաստանում կրոնական ազատությունների հարցը

20:04   22 Փետրվար 2020    280

ԱՄՆ նախագահ Դոնալդ Թրամփը հաջորդ շաբաթ Հնդկաստան այցի ընթացքում վարչապետ Նարենդրա Մոդիի հետ կքննարկի երկրում կրոնական ազատությունների խնդիրը:

Հնդկաստանի կառավարությունն այժմ խիստ քննադատության է բախվել մահմեդական երկրներում ճնշվող ոչ մահմեդականների համար երկքաղաքացիության մասին օրենքի պատճառով: Երկրի մահմեդական բնակչությունն այս օրենքը խտրականության դրսեւորում է համարել, տեղեկացնում է Hayatsk.info-ն:

Թրամփը, որը Հնդկաստան կժամանի երկուշաբթի օրը, կքննարկի ժողովրդավարության ավանդույթները եւ կրոնական ազատությունները, որոնք ընդհանուր են երկու երկրների համար, նշել է աղբյուրը:

«Նա կբարձրացնի այս խնդիրները, հատկապես` կրոնական ազատությունների հարցը, որոնք չափազանց կարեւոր են այս վարչակազմի համար»,- ասել է աղբյուրը:
Ընդ որում, Մոդիի կառավարությունն ինքն է հերքում է երկրի մահմեդական բնակչության մեղադրանքները խտրականության մեջ:

Hayatsk.info

Հեշթեգներ: Աշխարհ    


Վերնագիրի այլ պիտակները