Թրամփը հավանություն է տվել ՌԴ-ին նավթային շուկաներից դուրս թողնելու Ս. Արաբիայի ծրագրին. Politico

12:53   25 Մարտ 2020    365

ԱՄՆ նախագահ Դոնալդ Թրամփը հավանություն է տվել Սաուդյան Արաբիայի` վառելիքի արդյունահանման ավելացման միջոցով Ռուսաստանին նավթային շուկաներից դուրս թողնելու ծրագրին:

Hayatsk.info-ն հայտնում է, որ այս մասին գրում է Politico-ն` հղում անելով իր աղբյուրներին:

Իր դիրքորոշումը Սպիտակ տան ղեկավարը հայտնել է մարտի 9-ին Սաուդյան Արաբիայի թագաժառանգ արքայազն Մուհամմեդ բեն Սալմանի հետ հեռախոսազրույցի ընթացքում:

ԱՄՆ ղեկավարության նախկին բարձրաստիճան պաշտոնյայի խոսքով՝ Թրամփը հավանություն է տվել Էր Ռիադի ծրագրերին, միևնույն ժամանակ կոչ անելով թույլ չտալ նավթի գների զգալի անկում` պաշտպանելու համար ԱՄՆ-ում վառելիք արտադրողների շահերը: Սակայն Թրամփի և արքայազնի խոսակցությանը հաջորդող երկու շաբաթներից հետո նավթի գների կտրուկ անկումը, այնուամենայնիվ, անակնկալի է բերել ԱՄՆ-ին:

Ավելի վաղ հաղորդվել էր, որ ԱՄՆ էներգետիկայի նախարարության պաշտոնյաները Թրամփի աշխատակազմին համոզում են Սաուդյան Արաբիայի հետ դաշինք ստեղծել` նավթի գները կայունացնելու համար: Ենթադրվում է, որ նման որոշումը կարող է կանգնեցնել նավթի գների անկումը և թուլացնել Սաուդյան Արաբիայի համագործակցությունը Ռուսաստանի հետ:

Hayatsk.info

Հեշթեգներ: Թրամփ  


Վերնագիրի այլ պիտակները