ՆԱՏՕ-ն դաշինքի բարեփոխումների փորձագիտական խումբ է ստեղծել

20:52   31 Մարտ 2020    282

ՆԱՏՕ-ի վերաբերյալ Ֆրանսիայի նախագահ Էմանուել Մակրոնի կտրուկ քննադատությունից հետո դաշինքը ստեղծել է 10 մարդուց բաղկացած փորձագիտական խումբ՝ ՆԱՏՕ-ի բարեփոխումների շուրջ առաջարկությունների մշակման համար։

Խումբը ղեկավարում են ԳԴՀ ԱԳՆ նախկին ղեկավար Թոմաս դե Մեզյերը եւ ամերիկյան նախկին դիվանագետ Ուես Միթչելը, հայտել է ՆԱՏՕ-ի գլխավոր քարտուղար Յենս Սթոլթենբերգը, տեղեկացնում է Hayatsk.info-ն։

Մակրոնը նոյեմբերի սկզբին հարցազրույցներից մեկի ժամանակ խոսել էր ՆԱՏՕ-ի «գլխուղեղի մահվան» մասին։

Մի շարք այլ բաների թվում նա քննադատել էր ԱՄՆ-ի եւ եվրոպական պետությունների միջեւ թույլ համակարգումը եւ ՆԱՏՕ-ի անդամ Թուրքիայի «ագրեսիվ գործողությունները» Սիրիայի հյուսիսային մասում։ Դրանից հետո ԳԴՀ ԱԳՆ ղեկավար Խայկո Մաասը առաջարկել էր դաշինքի բարեփոխումների հարցերով փորձագիտական խումբ ստեղծել։ ՆԱՏՕ-ի գագաթաժողովի մասնակիցները դեկտեմբերին Մեծ Բրիտանիայում հավանություն էին տվել այդ առաջարկին։

Փորձագետները պետք է մինչեւ ՆԱՏՕ-ի հաջորդ գագաթաժողովը, որը տեղի կունենա եկող տարվա սկզբին, դաշինքի բարեփոխումների խորհրդատվություններ պատրաստեն։ Իրենց առաջարկությունները նրանք կշարադրեն Սթոլթենբերգին տրվող զեկույցում։ Փորձագետներին հանձնարարվել է առաջարկություններ ներկայացնել դաշինքի միասնականության ամրապնդման, քաղաքական խորհրդատվությունների ընդլայնման եւ գործընկեր-երկրների միջեւ համակարգման, ինչպես նաեւ ՆԱՏՕ-ի քաղաքական դերի ուժեղացման մասին։

Hayatsk.info

Հեշթեգներ: Աշխարհ    


Վերնագիրի այլ պիտակները