Հնդկաստանում փորձել են վաճառել աշխարհի ամենաբարձր արձանը՝ «կորոնավիրուսի դեմ պայքարի համար»

19:11   06 Ապրիլ 2020    281

Հնդկաստանում անհայտ անձինք փորձել են համացանցի միջոցով վաճառել աշխարհի ամենաբարձր քանդակը՝ Միասնության արձանը (240 մետր), որը տեղադրված է Գուջարաթ նահանգում:

Ինչպես հայտնում է The Indian Express-ը, նախաձեռնության նպատակն, իբրև թե, կորոնավիրուսի դեմ պայքարի համար միջոցներ հավաքելն է եղել: Հուշարձանը վաճառքի է ներկայացվել OLX (Online Exchange) հարթակում, որտեղ հայտարարություններ են տեղադրվում ապրանքների վաճառքի, գնման կամ փոխանակման մասին, տեղեկացնում է Hayatsk.info-ն:

«Արտակարգ իրավիճակ է: Վաճառվում է Միասնության արձանը հիվանդանոցների և բուժսարքավորումների համար միջոցներ հավաքելու նպատակով»,- ասվում էր հայտարարության մեջ: Հուշարձանը գնահատվել է 300 մլրդ ռուփի (մոտ $4 մլրդ):

Հայտարարությունը տեղադրվել է ապրիլի 4-ին, սակայն մեկ օր անց նահանգի իշխանությունները նոր նկատել են այն և դիմել ոստիկանություն: Հնդկաստանում կորոնավիրոսով վարակման 3588 դեպք է գրանցվել, որոնցից 99-ը՝ մահվան ելքով:

Hayatsk.info

Հեշթեգներ: Հնդկաստան  


Վերնագիրի այլ պիտակները