Սինգապուրցի գիտնականները պարզել են, թե կորոնավիրուսով հիվանդները քանի օրից են դադարում վարակիչ լինել

09:23   24 Մայիս 2020    203

Կորոնավիրուսով հիվանդները վիրուսով պայմանավորված հիվանդության ախտանշանների ի հայտ գալուց 11 օր անց դադարում են վարակիչ լինել:

Ինչպես հայտնում է The Straits Times-ը, նման եզրահանգման են եկել Սինգապուրի Վարակիչ հիվանդությունների ազգային կենտրոնի, ինչպես նաև Բժշկական գիտությունների ակադեմիայի վիրուսաբանության բաժնի մասնագետները:

Նրանց գնահատմամբ՝ ապաքինվող հիվանդների հետազոտության արդյունքները կարող են ցույց տալ կորոնավիրուսի առկայություն, սակայն այն արդեն վտանգավոր չէ: «Գիտնականները կարծում են, որ թեստերը ցույց են տալիս միայն վիրուսի գենոմի մի մասը, սակայն ունակ չեն պարզելու դրա կենսունակությունն ու այլ մարդու փոխանցման հավանականությունը»:

Մասնագետների խոսքով՝ կարող են լինել նաև բացառություններ, օրինակ՝ օնկոլոգիական հիվանդություններ ունեցող մարդկանց դեպքում, որոնք հավելյալ դեղամիջոցներ են ընդունում՝ ուղղված իմունային համակարգի ամրապնդմանը:

Վերջին տվյալների համաձայն՝ Սինգապուրում կորոնավիրուսով վարակվել է ավելի քան 31.000 մարդ, մահացել՝ 23-ը:

Hayatsk.info

Հեշթեգներ: Սինգապուր  


Վերնագիրի այլ պիտակները