Ռուսաստանը սկսել է առաջին ռազմավարական սթելս-ռմբակոծչի կառուցումը

21:17   26 Մայիս 2020    217

Ռուսաստանը սկսել է առաջին փորձնական ռազմավարական սթելս-ռմբակոծչի նմուշի կառուցումը՝ «Հեռահար ավիացիայի հեռանկարային ավիացիոն համալիր» ծրագրի (ՀԱ ՀԱՀ) շրջանակներում, հայտնում է ՏԱՍՍ-ը՝ վկայակոչելով ռազմարդյունաբերական համալիրում երկու աղբյուրների:

«Առաջին մեքենայի մասերի պատրաստմամբ կզբաղվի Միացյալ ավիաշինարարական ընկերության կազմում գործող ավիագործարաններից մեկը։ Աշխատանքային կոնստրուկտորական փաստաթղթավորումը ավարտված է, սկսվել է նյութերի մատակարարումը»,- հայտնել է գործակալության զրուցակիցը։

Ինչպես նշել է ՏԱՍՍ-ի մյուս աղբյուրը, ներկայում արդեն պատրաստվում է ինքնաթիռի սրահը: «Ամբողջ մեքենայի վերջնական հավաքումը պետք է ավարտվի 2021թ․»,- ասել է նա:

«Հեռահար ավիացիայի հեռանկարային ավիացիոն համալիրը» նախագծված է «թռչող թեւի» սխեմայի համաձայն: Մեքենայի կառուցվածքում լայնորեն կօգտագործվեն նկատելիությունը նվազեցնող տեխնոլոգիաներ եւ նյութեր («սթելս» տեխնոլոգիա): Ինքնաթիռը կկարողանա կրել այժմ գոյություն ունեցող եւ հեռանկարային ռազմավարական թեւավոր հրթիռներ, բարձր ճշգրտությամբ ռումբեր, գերձայնային զենք, այն հագեցած կլինի կապի եւ ռադիոէլեկտրոնային նորագույն սարքավորումներով: Մեքենան կստանա թռիչքի մինչձայնային արագություն:

Hayatsk.info

Հեշթեգներ: Ռուսաստան  


Վերնագիրի այլ պիտակները