Բրազիլիայում դատարանը չեղարկել է նախագահ Ժաիր Բոլսոնարուին դիմակ դնել պարտադրող որոշումը

11:24   01 Հուլիս 2020    145

Բրազիլիայի դաշնային շրջանային դատարանը չեղարկել է նախկին դատական կարգադրությունը, ըստ որի՝ նախագահ Ժաիր Բոլսոնարուն հանրային վայրերում պետք է բժշկական դիմակ կրի, հայտնում է «ՌԻԱ Նովոստի» գործակալությունը՝ հղում տալով տեղական լրատվամիջոցներին։

Ավելի վաղ դատարանը Բոլսոնարուին պարտավորեցրել էր Բրազիլիա դաշնային շրջանի բոլոր հանրային վայրերում դիմակ կրել։ Այս միջոցառմանը չհետևելու դեպքում նրան օրական մոտ 387 ԱՄՆ դոլարի չափով տուգանք էր սպառնում։

«Դաշնային շրջանի բնակիչներին դիմակ դնել պարտավորեցնող հրամանն արդեն գործում է, այդ պատճառով արդարադատության կողմից նոր սահմանափակումներ չպետք է սահմանվեին»,- հայտարարել է դատավորը։

Բրազիլայի նախագահը մեկ անգամ չէ իրեն աջակցող ցույցերի և հավաքների ժամանակ փողոց դուրս եկել առանց դիմակի և ձեռնոցների։ Բոլսոնարուն ակտիվորեն քննադատում է կորոնավիրուսի դեմ պայքարի համար գործող սահմանափակումները, ըստ նրա՝ միայն ռիսկային գոտում գտնվող և 60 տարեկանից բարձր քաղաքացիները պետք է տանը մնան։

Hayatsk.info

Հեշթեգներ: Բրազիլիա  


Վերնագիրի այլ պիտակները