Լուվրը չորս ամսվա կարանտինից հետո բացվել է այցելուների համար

21:16   06 Հուլիս 2020    246

Փարիզի հանրահայտ Լուվրի թանգարանը կորոնավիրուսի համավարակի հետ կապված 16 շաբաթ տեւած կարանտինից հետո երկուշաբթի օրը բացել է իր դռները այցելուների առաջ:

Նշվում է, որ թանգարանների ոչ բոլոր դահլիճներն են բաց, սակայն այցելուները կկարողանան տեսնել, օրինակ, Լեոնարդո դա Վինչիի «Մոնա Լիզան» եւ Լուվրի հավաքածուի մյուս հանրահայտ գոհարները, տեղեկացնում է Hayatsk.info-ն:

Գլուխգործոցների մոտ սելֆիի սիրահարների մեծ կուտակումներից խուսափելու նպատակով սրահներում նշումներ են արվել՝ այցելուների միջեւ անվտանգ տարածություն պահպանելու համար:

Լուվրը, որն աշխարհում ամենաշատ այցելվող թանգարանն է, համավարակի հետեւանքով կորցրել է ավելի քան 40 միլիոն եվրո:

Թանգարանի տվյալների համաձայն, 2019 թվականին նրա այցելուների մոտ 70%-ը կազմել են օտարերկրյա զբոսաշրջիկները:

Լուվրի տնօրեն Ժան Լյուկ Մարտինեսի խոսքերով՝ այս տարի թանգարանը կորցնում է իր այցելուների 80%-ը:

Hayatsk.info

Հեշթեգներ: Աշխարհ    


Վերնագիրի այլ պիտակները