Սերբիայի մի շարք քաղաքներում անկարգություններ են տեղի ունեցել

17:42   09 Հուլիս 2020    227

Սերբիայի մի շարք քաղաքներում հակակառավարական ցույցեր են անցկացվել, որի ընթացքում ցուցարարները հարձակվել են իշխող Սերբիայի առաջադիմական կուսակցության գրասենյակների և լրագրողների վրա, հաղորդում են տեղական լրատվամիջոցները:

Բողոքի ակցիայի մասնակիցները դժգոհություն են հայտնել երկրում առկա համաճարակաբանական իրավիճակից և կորոնավիրուսի տարածմանը հակազդելու իշխանությունների գործողություններից:

Նրանք պահանջել են ճշմարիտ տեղեկատվություն հաղորդել COVID-19-ի զոհերի վերաբերյալ և դատապարտել են ազգային հեռուստատեսության և ռադիոյի ծառայության խմբագրական քաղաքականությունը, որը, նրանց կարծիքով, կողմնակալ է լուսաբանում ընդդիմության գործողությունները:

Ցուցարարները ազգային երգեր են երգել և իշխանություններից պահանջել պաշտպանել Կոսովոն:

Բացի երկրի մայրաքաղաք Բելգրադից, բողոքի ակցիաներ են տեղի ունեցել Նովի-Սադ, Նիշա, Կրագուեվաց քաղաքներում:

Տուժածների և ձերբակալվածների մասին չի հաղորդվում: Սերբիայի ներքին գործերի նախարարությունն այս պահին տեղեկատվություն է հրապարակել միայն Բելգրադում տասը ոստիկանների վիրավորվելու մասին:

Hayatsk.info

Հեշթեգներ: Սերբիա  


Վերնագիրի այլ պիտակները