Սերբիայում հրաժարվել են պարետային ժամ սահմանելու գաղափարից

11:47   10 Հուլիս 2020    148

Սերբիայի իշխանությունները հրաժարվել են կորոնավիրուսով պայմանավորված պարետային ժամ սահմանելու գաղափարից, այն բանից հետո, երբ Բելգրադում և մի քանի այլ քաղաքներում տեղի են ունեցել հակակառավարական ցույցեր, հայտնում է BBC-ն:

Պաշտոնական տվյալով՝ Սերբիայում գրանցված է կորոնավիրուսով վարակի 17 342 դեպք: Հունիսի վերջին վարակվածների թիվը կտրուկ ավելացել էր: Դրանով պայմանավորված՝ նախագահ Ալեքսանդր Վուչիչը հայտարարել էր երկրում խիստ սահմանափակումների վերադառնալու և պարետային ժամ սահմանելու մտադրության մասին:

Ի պատասխան հազարավոր ցուցարարներ դուրս էին եկել փողոցներ՝ պահանջելով Վուչիչի և կառավարության հրաժարականը:

Hayatsk.info

Հեշթեգներ: Սերբիա  


Վերնագիրի այլ պիտակները