«Ռոսկոսմոս»-ի ղեկավարի խորհրդական Իվան Սաֆրոնովի դեմ մեղադրանք է առաջադրվել պետական դավաճանության համար

17:08   13 Հուլիս 2020    219

«Ռոսկոսմոս»-ի ղեկավարի խորհրդական Իվան Սաֆրոնովի դեմ մեղադրանք է առաջադրվել պետական դավաճանության համար, հայտնում է «ՌԻԱ Նովոստի»-ն՝ վկայակոչելով նրա փաստաբան Իվան Պավլովին:

Սաֆրոնովին մեղադրանք է առաջադրվել Ռուսաստանի Դաշնության Քրեական օրենսգրքի 275-րդ հոդվածով («Պետական դավաճանություն»):

Ինքը՝ Սաֆրոնովը, իր մեղքը չի խոստովանել, պատմել է պաշտպանը:

Հուլիսի 7-ին Սաֆրոնովը ձերբակալվել էր դավաճանության կասկածանքով: Քննչական մարմինները նրան կալանավորելու միջնորդությամբ դիմել էին Լեֆորտովոյի դատարան: Ընդ որում, «Ռոսկոսմոս»-ում հայտարարել են, որ նրա համար պետական գաղտնիքը հասանելի է չի եղել։

Նախքան իր նշանակումը «Ռոսկոսմոս»-ի ղեկավարի խորհրդականի պաշտոնում Սաֆրոնովն աշխատել էր «Կոմերսանտ» եւ «Վեդոմոստի» թերթերում: Նրան աշխատանքից հեռացրել էին ֆեդերացիայի խորհրդի խոսնակ Վալենտինա Մատվիենկոյի հնարավոր հրաժարականի մասին հոդվածից հետո:

Hayatsk.info

Հեշթեգներ: Ռոսկոսմոս  


Վերնագիրի այլ պիտակները