Վիետնամում կորոնավիրուսով վարակման 20 նոր դեպք է արձանագրվել մեկ օրում

15:16   05 Օգոստոս 2020    301

Վիետնամում կորոնավիրուսով վարակման քսան նոր դեպք է արձանագրվել մեկ օրում:

Hayatsk.info-ն հայտնում է, որ այդ մասին ասված է Կորոնավիրուսի հարուցած COVID-19 հիվանդության կանխարգելման և տարածման վերահսկողության ազգային համակարգող կոմիտեի պաշտոնական հաղորդագրության մեջ, որն օգոստոսի 5-ին հրապարակվել է կառավարական տղեկատվության պորտալում։

Կոմիտեի տվյալների համաձայն՝ վարակման 20 դեպքերից 17-ը տեղի է ունեցել Կուանգնամի կենտրոնական նահանգում և դրա մայրաքաղաք Դանանգում: Վիետնամի մեծությամբ երրորդ այդ քաղաքում հուլիսի 25-ին կորոնավիրուսային վարակի նոր բռնկում է սկսվել երկրի ներսում հիվանդության դեպքերի բացակայության երեք ամսվանից հետո: Եվս մեկական ախտահարվածներ են հայտնաբերվել Դոնգնայի հարավային նահանգում և Թանհոայի կենտրոնական նահանգում:

Բացի դրանից, ախտահարվածների թվում է մեկ վիետնամցի բանվոր, որը մեկ շաբաթ առաջ հայրենիք է վերադարձել Հասարակածային Գվինեայից: Վիետնամում կորոնավիրուսով վարակման ամենաառաջին դեպքը հայտնաբերվել է հունվարի 23-ին: Անցած ժամանակամիջոցում ընդամենը հիվանդացել է 672 մարդ, որոնցից 378-ն առողջացել է: Ներկայումս բժշկական հիմնարկություններում բժիշկների հսկողության տակ է մնում 286 հիվանդացած: Հիվանդանոցներում և կարանտինային կենտրոններում զննության տակ է գտնվում շուրջ 22,2 հազար մարդ, ևս շուրջ 97,8 հազար տեղացի բնակիչ պահպանում է մեկուսացման ռեժիմը տնային պայմաններում: Կորոնավիրուսային վարակի կրկնական բռնկման պատճառով Վիետնամի խոշոր քաղաքներում կրկին մտցվել են սահանափակումներ, որոնք մայիսին արդեն վերացվել էին առաջին բռնկման դեմ պայքարում երկրի հաջողությունների ֆոնին:

Hayatsk.info

Հեշթեգներ: Վիետնամ  


Վերնագիրի այլ պիտակները