Չինաստանը նախազգուշացրել է Վաշինգտոնին «չխաղալ կրակի հետ»

17:44   12 Օգոստոս 2020    295

Չինաստանը նախազգուշացրել է Վաշինգտոնին «չխաղալ կրակի հետ»` առողջապահության նախարարի գլխավորությամբ ԱՄՆ բարձրաստիճան պատվիրակության` Թայվան այցի կապակցությամբ, տեղեկացնում է Hayatsk.info-ն:

ԱՄՆ առողջապահության նախարար Ալեքս Ազարը ավարտել է եռօրյա այցը Թայվան, որի ընթացքում նա քննադատել է համավարակի դեմ պայքարի Չինաստանի գործողությունները եւ այցելել է Թայվանի նախկին նախագահի սրբավայր:

Պեկինը քննադատել էր այցը եւ հայտարարել, որ «դեմ է ԱՄՆ-ի եւ Թայվանի միջեւ պաշտոնական փոխանակություններին ցանկացած պատրվակով»:

«Միացյալ Նահանգները չպետք է պատրանքներ տածեն Չինաստանի հիմնական շահերին վերաբերող հարցերի հետ կապված. ով խաղում է կրակի հետ, այրվածքներ է ստանում»,- ասել է արտաքին գործերի նախարարության խոսնակ Չժաո Լիցզյանը: «Ես կցանկանայի նաեւ Թայվանի իշխանություններին հիշեցնել, որպեսզի նրանք չապավինեն օտարերկրացիների աջակցությանը, քանի որ այդ ուղին փակուղի է տանում»,- ասել է նա:

Hayatsk.info

Հեշթեգներ: Չինաստան  


Վերնագիրի այլ պիտակները