ՄԱԿ-ի ԱԽ-ը չի ընդունել Իրանի դեմ զենքի էմբարգոն երկարաձգելու հարցով ԱՄՆ-ի բանաձեւը

10:15   15 Օգոստոս 2020    234

ՄԱԿ-ի Անվտանգության խորհուրդը չի ընդունել Իրանի դեմ զենքի էմբարգոն երկարաձգելու հարցով ԱՄՆ-ի բանաձեւը:

Քվեարկության ժամանակ երկրների մեծամասնությունը ձեռնպահ է մնացել:

Hayatsk.info-ն հայտնում է, որ այս մասին հայտարարել է ՄԱԿ-ում Ինդոնեզիայի մշտական ներկայացուցիչ Դիան Տրիանշահ Ջանին:

«Բանաձեւի օգտին քվեարկել է երկու երկիր, եւս երկու երկիր դեմ է քվեարկել, 11 երկիր ձեռնպահ է մնացել: Այդպիսով, փաստաթուղթը չի ընդունվել»,-ասել է նա:

Գործակալության տվյալներով՝ դեմ են քվեարկել Ռուսաստանն ու Չինաստանը, կողմ են քվեարկել ԱՄՆ-ը եւ Դոմինիկյան Հանրապետությունը, ձեռնպահ են մնացել Ֆրանսիան, Մեծ Բրիտանիան, Բելգիան, Գերմանիան, Վիետնամը, Հարավային Աֆրիկան, Ինդոնեզիան, Նիգերը, Սենտ Վինսենտը եւ Գրենադինները, Թունիսն ու Էստոնիան:

Քվեարկությունը կայացել է գրավոր ռեժիմով՝ կորոնավիրուսի տարածման դեմ պայքարի համար սահմանված սահմանափակումների պատճառով:

Իրան զենքի ներկրման սահմանափակումների գործողությունների ժամկետը՝ համաձայն միջուկային գործարքի պայմանների, լրանում է 2020 թվականի հոկտեմբերի 18-ին:

Hayatsk.info

Հեշթեգներ: ՄԱԿ  


Վերնագիրի այլ պիտակները