Մինսկում ընթանում է ընդդիմության «փայլուն երթը»

19:02   19 Սեպտեմբեր 2020    220

Շաբաթ Մինսկում մեկնարկել է ընդդիմության երթը, որն ավել վաղ հայտարարվել էր որպես «փայլուն երթ»:

Կազմակերպիչները երթի մասնակիցներին կոչ են արել ներկայանալ վառ հագուստով, փայլուն աքսեսուարներով և վառ գույնի թաշկինակներով: Շուկայից ոչ հեռու, որն ընդդիմությունը հայտարարել է, որպես ՝սկզբնակետ, ոստիկանական մեքենաներ են նկատվել: Ոստիկանությունը ստուգել է տեղում աշխատող լրագրողների հավատարմագրերը և նախազգուշացրել է ցուցարարներից մոտ 50 մետր հեռավորություն պահելու անհրաժեշտության մասին, տեղեկացնում է Hayatsk.info-ն:

Ընդդիմության կանացի երթն ուղևորվել է մայրաքաղաքի կենտրոն: Ընթացքում նրանց է մոտեցել մոտոցիկլետների շարասյունը՝ սպիտակ-կարմիր-սպիտակ դրոշներով՝ աջակցություն հայտնելով ցուցարարներին:

Իրավապահները փորձել են ձերբակալել մոտոցիկլավարներից մեկին, սակայն ցուցարարներին հաջողվել է խանգարել նրանց:

Հիշեցնենք, որ բողոքի ցույցերն ու երթերը Մինսկում շարունակվում են օգոստոսի 9-ին կայացած նախագահական ընտրություններից հետո, որի արդյունքներով հաղթող է ճանաչվել երկրի գործող նախագահ Ալեքսանդր Լուկաշենկոն:

Hayatsk.info

Հեշթեգներ: Աշխարհ    


Վերնագիրի այլ պիտակները