Facebook-ը կլիմայական փոփոխությունների մասին տեղեկությունները կհավաքի ու կտրամադրի օգտատերերին

21:05   20 Սեպտեմբեր 2020    250

Ամերիկյան Facebook ընկերությունը հայտնել է Climate Science Information Center տեղեկատական կենտրոնի օգնությամբ աշխարհում կլիմայական փոփոխությունների վերաբերյալ արդի տվյալներ հավաքելու ու տարածելու մտադրության մասին, ասվում է ընկերության կայքում հրապարակված հայտարարությունում:

«Կորոնավիրուսից ստացած մեր ամենարակարևոր դասերից մեկն այն է, թե ինչ լայն հնարավորություններ ունի Facebook-ը համաշխարհային ճգնաժամի ընթացքում օգտատերերին ճշգրիտ, փորձագիտական խորհուրդներ ու տեղեկություններ տրամադրելու հարցում»,- ասվում է հաղորդագրությունում, տեղեկացնում է Hayatsk.info-ն:

Ընկերությունից նշել են, որ կորոնավիրուսի հետ կապված ճգնաժամային իրավիճակում տեղեկություն տրամադրելու փորձը կարելի է նաև կլիմայական ճգնաժամի դեպքում կիրառել:

«Facebook-ում կլիմայական փոփոխությունների հիմնախնդիրների վերաբերյալ նոր տեղեկատվական կենտրոն է բացվում, որի նպատակն օօգտատերերին կլիմայի վերաբերյալ հուսալի և արդի տեղեկություն տրամադրելն է»,- նշել է ընկերության մամուլի ծառայությունը:

Climate Science Information Center-ը հատուկ տեղեկատվական տարածք է, որտեղ պահվում է առաջատար միջազգային ընկերությունների փաստացի և վիճակագրական տեղեկությունները:

Սկզբնական շրջանում տեղեկատվական նոր ծառայությունը հասանելի կլինի միայն ԱՄՆ-ում, Մեծ Բրիտանիայում, Գերմանիայում և Ֆրանսիայում: Այն կգործի նույն սկզբունքներով, ինչ COVID-19 տեղեկատվական կենտրոնը:

Հիշեցնենք, որ Գրենլանդիայում վերջերս հսկայական սառցային զանգվածը է պոկվել Արկտիկայի ամենամեծ սառցադաշտից, ինչը վկայում է կլիմայական փոփոխությունների արագացման մասին:

Hayatsk.info

Հեշթեգներ: Facebook  


Վերնագիրի այլ պիտակները