Սեուլը Փհենյանին կխնդրի շարունակել հարավկորեացի պաշտոնյայի սպանության հետաքննությունը

11:41   26 Սեպտեմբեր 2020    265

Սեուլը Փհենյանին կխնդրի շարունակել Հարավային Կորեայի կառավարության պաշտոնյայի սպանության հետաքննությունը, որը գնդակահարվել էր հյուսիսկորեացի զինվորականների կողմից այն բանից հետո, երբ նրան գտել էին վիճելի ծովային սահմանի մոտակայքում, հայտնում է AP-ն:

Սեուլը կարող է նաեւ համատեղ հետաքննություն պահանջել հարավում վրդովմունք առաջացրած սպանության վերաբերյալ:

Հյուսիսային Կորեայի առաջնորդ Կիմ Չեն Ընը ներողություն է խնդրել միջադեպի կապակցությամբ:

Այնուամենայնիվ, Հյուսիսային Կորեայի նախագահ Մուն Չժե Ինի գրասենյակի կողմից հրապարակված հաղորդագրության մեջ հրաձգության մեղքը հիմնականում դրված է հարավկորեացի պաշտոնյայի վրա: Հաղորդվում է, որ նա հրաժարվել էր պատասխանել հարցերին եւ փորձել էր փախչել մինչ զինվորականների կրակ բացելը:

Հարավային Կորեայի պաշտոնյաները նախագահին առընթեր Ազգային անվտանգության խորհրդի նիստին եզրակացրել են, որ լրացուցիչ հետաքննություն է անհրաժեշտ, քանի որ միջադեպի` Հյուսիսի վարկածը տարբերվում էր Հարավային Կորեայի հետախուզության կողմից հավաքվածից:

«Մենք որոշեցինք խնդրել Հյուսիսին լրացուցիչ հետաքննություն անցկացնել, ինչպես նաեւ Հյուսիսի հետ համատեղ հետաքննություն պահանջել»,- նշվում է հայտարարության մեջ: Հարավը նաեւ «անհապաղ քայլեր կձեռնարկի երկրի արեւմտյան ափի մոտ գտնվող ջրերում հսկողության համակարգի հետագա ուժեղացման համար»` այսպիս դեպքերի կանխման նպատակով:

Շաբաթ օրը Հարավային Կորեայի առափնյա պահպանության ծառայությունը տասնյակ նավեր եւ հարյուրավոր սպաներ է ուղարկել` պաշտոնյայի մնացորդներն արևմտյան ծովային սահմանի ջրերում որոնելու համար:

Hayatsk.info

Հեշթեգներ: Սեուլ-Փհենյան  


Վերնագիրի այլ պիտակները