Ավստրալիայի վարչապետ. Աշխարհի երկրները պետք է ամեն ինչ անեն` COVID-19- ի ծագումը հասկանալու համար

14:08   26 Սեպտեմբեր 2020    284

Աշխարհի երկրները պետք է ամեն ինչ անեն` COVID-19-ի ծագումը հասկանալու համար, ՄԱԿ-ի Գլխավոր ասամբլեայում ասել է Ավստրալիայի վարչապետ Սքոթ Մորիսոնը, փոխանցում է AP-ն:

Վիրուսի պատճառների ուսումնասիրությունը կնվազեցնի նոր գլոբալ համավարակի սպառնալիքը, նշել է նա:

«Այս վիրուսն աղետ է պատճառել մեր աշխարհին եւ դրա ժողովուրդներին: Մենք պետք է անենք մեզնից կախված ամեն ինչ` հասկանալու համար, թե ինչ է տեղի ունեցել` դրա կնկրկնությունը կանխելու նպատալով,- ասաց Մորիսոնը:- Անհրաժեշտ է պարզել COVID-19 վիրուսի կենդանական աղբյուրը եւ թե ինչպես է այն փոխանցվել մարդկանց»:

Այս տարվա սկզբին Մորիսոնի նմանատիպ հայտարարությունները վնասեցին Ավստրալիայի եւ Չինաստանի հարաբերություններին: Նա պահանջել էր հետաքննել COVID-19-ի ծագումը: Չինաստանը խստորեն մերժել էր այդ քայլը, իսկ Կանբերայում Պեկինի դեսպանը նախազգուշացրել էր, որ հետաքննության հայցերը կարող են վնասել առեւտրային հարաբերություններին:

Hayatsk.info

Հեշթեգներ: Աշխարհ  


Վերնագիրի այլ պիտակները