ԱՄՆ-ում համավարակի ընթացքում ինքնասպանությունների թիվն աճել է զինվորականների շրջանում

11:49   28 Սեպտեմբեր 2020    391

ԱՄՆ-ում այս տարի ինքնասպանությունների թիվը զինվորականների շրջանում 20 տոկոսով աճել է` 2019-ի նույն ժամանակահատվածի համեմատ, կա նաեւ բռնի միջադեպերի թվի աճ:

Չնայած տվյալներն ամբողջական չեն, իսկ ինքնասպանությունների պատճառները դժվար է պարզել` բանակի եւ ռազմաօդային ուժերի պաշտոնյաներն ասում են, որ կարծում են, որ համավարակը մեծացրել է սթրեսը:

Բանակի բարձրաստիճան պաշտոնյաները, ովքեր ասում են, որ այս տարի ինքնասպանությունների մակարդակի մոտ 30 տոկոս աճ են արձանագրել, Associated Press-ին հայտնել են, որ քննարկում են մարտական օպերացիաների կրճատման հարցը:

Պենտագոնը հրաժարվել է տրամադրել 2020 թվականի տվյալները կամ քննարկել այս հարցը, բայց բանակի պաշտոնյաները հայտարարել են, որ պաշտպանության դեպարտամենտի ճեպազրույցների քննարկումները ցույց են տալիս, որ այս տարի ռազմական ինքնասպանությունների ընդհանուր թիվն աճել է 20 տոկոսով: Թվերը կախված են ծառայության տեսակից: Պաշտոնյաներն ասում են, որ չեն կարող ինքնասպանությունների մակարդակի աճն ուղղակիորեն կապել համավարակի հետ, սակայն ժամանակը համընկնում է:

Մատնանշելով ինքնասպանությունների, սպանությունների եւ բռնության այլ դեպքերի աճը բանակում` նախարար Ռայան Մաքքարթնին AP-ին տված հարցազրույցում ասել է. «Մենք չենք կարող միանշանակ ասել, որ դա COVID-ի պատճառով է: Բայց COVID-ի ի հայտ գալու պահից համահարաբերակցություն կա, երբ թվերն իսկապես աճել են»:

Hayatsk.info

Հեշթեգներ: ԱՄՆ  


Վերնագիրի այլ պիտակները