Խաբարովսկի երկրամասում վթարի է ենթարկվել Սու-34 ռմբակոծիչը

18:26   21 Հոկտեմբեր 2020    288

Խաբարովսկի երկրամասում պլանային թռիչքի ժամանակ վթարի է ենթարկվել Սու-34 ռմբակոծիչը: Այդ մասին հաղորդել են Արեւելյան ռազմական օկրուգի (ԱՌՕ) մամուլի ծառայությունում:

«Հոկտեմբերի 21-ին Խաբարովսկի երկրամասում պլանային ուսումնա-վարժական թռիչք անցկացնելիս վթարի է ենթարկվել Արեւելյան ռազմական օկրուգի Սու-34 ինքնաթիռը: Օդաչուները կատապուլտվել են:

Նրանց առողջությանը ոչինչ չի սպառնում»,-ասել են մամուլի ծառայությունում, տեղեկացնում է Hayatsk.info-ն:

Զինվորականների խոսքով, ներկայում անձնակազմի անդամները տարհանվել են բազավորման օդակայան: «Թռիչքը կատարվել է առանց մարտական լրակազմի:

Ինքնաթիռն ընկել է անտառա-հարթավայրային տեղանքում: Գետնի վրա ավերածություններ չկան»,-ասել են մամուլի ծառայությունում: Այնտեղ նշել են, որ պատահարի պատճառները եւ հանգամանքները պարզելու համար վթարի վայր է ուղարկվել Արեւելյան ռազմական օկրուգի հանձնաժողովը:

Hayatsk.info

Հեշթեգներ: Խաբարովսկ  


Վերնագիրի այլ պիտակները