Սաադ Հարիրին վերադառնում է Լիբանանի վարչապետի պաշտոնին

18:24   22 Հոկտեմբեր 2020    216

Լիբանանի խորհրդարանի քաղաքական ուժերը կրկին ընտրել են Սաադ Հարիրիին որպես երկրի վարչապետ` նույն պաշտոնը հակակառավարական ցույցերի ազդեցությամբ լքելուց մեկ տարի անց:

Լիբանանի նախագահական պալատը հաղորդել է, որ նախագահ Միշել Աունը հանձնարարել է Հարիրիին ձևավորել նոր կառավարություն, տեղեկացնում է Hayatsk.info-ն:

Սաադ Հարիրին վարչապետի պաշտոնը ստանձնում է բարդ պայմաններում. Լիբանանը ցնցվել է երկու ամիս առաջ Բեյրութում որոտացած մեծ պայթյունից, հետևանքները մայրաքաղաքում դեռ աղետալի են: Երկիրը տնտեսաքաղաքական լուրջ փոթորկումների մեջ է, և եթե Հարիրիին հաջողվի ձևավորել կառավարություն, նա արդեն չորրորդ անգամ կստանձնի գործադիր իշխանության ղեկը:

Բեյրութի աղետալի պայթյունը շատերը երկրում կապում էին կառավարության անփութության հետ, որն էլ դրդել էր նախկին վարչապետ Հասան Դիաբին հրաժարական տալ:

Hayatsk.info

Հեշթեգներ: Լիբանան  


Վերնագիրի այլ պիտակները