Պակիստանցի նախարարը ջնջել է Մակրոնին վերաբերող թվիթը

10:14   23 Նոյեմբեր 2020    123

Ֆրանսիայի ԱԳ նախարար Ժան Իվ Լը Դրիանը Պակիստանի իշխանություններից պահանջել է ներողություն խնդրել Ֆրանսիայի նախագահ Էմանուել Մակրոնի հասցեին Պակիստանի մարդու իրավունքների հարցերով դաշնային նախարար Շիրին Մազարիի թվիթերյան գրառման պատճառով և ջնջել գրառումը:

«Մակրոնը մահմեդականների հետ անում է այն, ինչ նացիստներն արեցին հրեաների հետ. մահմեդական երեխաները կստանան ID վկայականներ, ճիշտ այնպես, ինչպես հրեաներին ստիպեցին դեղին աստղ կրել հագուստի վրա ինքնությունը հաստատելու համար», – գրել էր Շիրին Մազարին «Twitter»-ի իր էջում:

Մազարի հայտարարությանն արձագանքել է Ֆրանսիայի ԱԳՆ խոսնակ Ագնես ֆոն դեր Մյուլը:

«Ատելության ու բռնության այս խոսքերն աղաղակող սուտ են: Նման զրպարտությունն անհամապատասխան է այս աստիճան պատասխանատվություն ունեցող անձի համար: Մենք կտրականապես մերժում ենք դրանք: Պակիստանը պետք է հստակեցումներ կատարի և վերադառնա հարգանքի վրա հիմնված երկխոսության ուղի»,- հայտարարել է ֆոն դեր Մյուլը:

Ավելի ուշ հայտարարվել է, որ նույնականացման համարներ տրամադրելու նախաձեռնությունը տարածվում է Ֆրանսիայի բոլոր երեխաների վրա և ոչ միայն մահմեդականների:

Դրանից հետո «Twitter»- ում Շիրին Մազարին հայտարարել է, որ ջնջել է իր հայտարարությունը:

Hayatsk.info

Հեշթեգներ: Պակիստան  


Վերնագիրի այլ պիտակները

hayatsk.info ©2016 | Բոլոր իրավունքները պաշտպանված են