«Saudi Aramco» կայանը հրթիռակոծության տակ է ընկել

11:05   23 Նոյեմբեր 2020    568

Սաուդյան Արաբիայի Ջիդդա քաղաքում գտնվող նավթագազային պետական «Saudi Aramco» բաշխիչ կայանը հրթիռակոծման է ենթարկվել:

Hayatsk.info-ն հայտնում է, որ այս մասին հայտնում է «Reuters»-ը՝ վկայակոչելով Եմենի հուսիթների ներկայացուցչին:

Նշվում է, որ հուսիթները Սաուդյան Արաբիայում գործող օտարերկրյա ընկերություններին խորհուրդ են տվել զգույշ լինել, քանի որ նման գործողությունները շարունակվելու են:

Ավելի վաղ Եմենի հուսիթները 10 անօդաչու թռչող սարքերով գրոհել էին Սաուդյան Արաբիայի «Saudi Aramco» ընկերության աշխարհի խոշորագույն նավթավերամշակման գործարաններից մեկի՝ Աբքեյքի վրա:

Հուսիթները հայտարարել են, որ հարվածը Ռիադի ապակառուցողական գործողությունների պատասխանն է եղել:

Hayatsk.info

Հեշթեգներ: Saudi-Aramco  


Վերնագիրի այլ պիտակները