ԱՄՆ ռազմածովային ուժերի էսկադրային ականակիրը Պետրոս Մեծի ծոցում խախտել է ՌԴ ջրային սահմանը

12:55   24 Նոյեմբեր 2020    205

Ռուսական խաղաղօվկիանոսյան նավատորմի «Ծովակալ Վինոգրադով» նավը զգուշացրել է ամերիկյան USS John S. McCain հրթիռային էսկադրային ականակիրի կողմից Պետրոս Մեծի ծոցում ռուսական պետական սահմանը խախտելու մասին:

Hayatsk.info-ն հայտնում է, որ այս մասին գրում է «eadaily.com» կայքը` հղում տալով ՌԴ պաշտպանության նախարարությանը:

Նշվում է, որ ականակիրը, որը մի քանի օր է, ինչ գտնվում էր Ճապոնական ծովում, ժամը 06:17-ին (Երևանի ժամանակով 07:17) խախտել է ռուսական սահմանը` 2 կմ խորանալով ռուսական ջրերում:

«Խաղաղ օվկիանոսի նավատորմի «Ծովակալ Վինոգրադով» խոշոր նավը, որն անմիջական հետևում էր ամերիկյան ականակրին, միջազգային կապի ալիքում օտարերկրյա նավին նախազգուշացրել է նման գործողությունների անթույլատրելիության և տարածքային ջրերից ներխուժածին հարկադրաբար դուրս հանելու գործողության դիմելու հնարավորության մասին»,-նշել են ռազմական գերատեսչությունում:

Զգուշացումը ստանալուց հետո ամերիկյան նավը անմիջապես լքել է ռուսական ջրերը: Այլ մանրամասներ հայտնի չեն:

Hayatsk.info

Հեշթեգներ: ԱՄՆ   ՌԴ  


Վերնագիրի այլ պիտակները