Մերկելը COVID-19-ի պատճառով ցանկանում է փակել Եվրոպայի բոլոր լեռնադահուկային հանգստավայրերը

15:26   26 Նոյեմբեր 2020    219

Գերմանիայի կանցլեր Անգելա Մերկելը հայտարարել է, որ կփորձի ԵՄ մակարդակով հասնել ձմեռային արձակուրդներին լեռնադահուկային հանգստավայրերը փակելու որոշմանը՝ զբոսաշրջիկների վարակման վտանգից խուսափելու համար:

«Մենք ևս մեկ անգամ կոչ ենք անում քաղաքացիներին հրաժարվել ոչ անհրաժեշտ շփումներից, այդ թվում՝ դահուկային սեզոնի ընթացքում մասնավոր և զբոսաշրջային ուղևորություններից։ Մենք Եվրոպայում կփորձենք հասնել բոլոր լեռնադահուկային հանգստավայրերը փակելու մասին որոշմանը»,- Բունդեսթագում ելույթի ժամանակ ասել է Մերկելը, տեղեկացնում է Hayatsk.info-ն։

Նա հավելել է, որ «դա բարդ է թվում»՝ հաշվի առնելով այդ հարցի շուրջ Ավստրիայի դիրքորոշումը, սակայն «կփորձեն ևս մեկ անգամ ընթացք տալ այդ հարցին»։

Hayatsk.info

Հեշթեգներ: Մերկել  


Վերնագիրի այլ պիտակները