Սիրիայում ականի պայթյունից 2 երեխա է մահացել

09:39   28 Նոյեմբեր 2020    346

Սիրիայի հյուսիս-արևելքում գտնվող Ռաքքա նահանգում երկու երեխա է զոհվել, ևս երկուսը վիրավորվել են ահաբեկիչների կողմից ականի պայթյունի հետևանքով, հայտնում է ՍԱՆԱ գործակալությունը:

Տեղի աղբյուրները գործակալությանը հայտնել են, որ ականը պայթել է Ռաքքայի հյուսիսում գտնվող Աբու Սիրրա ավանի մերձակայքում, այն ժամանակ այնտեղ մի քանի երեխա է եղել:

Սիրիայում նման միջադեպերը հազվադեպ չեն. ահաբեկիչները, լքելով սիրիական բանակի հարձակման տակ գտնվող բնակավայրերը, պայթուցիկ սարքեր են տեղադրում՝ հաճախ բնակելի տներում:

Սիրիայում զինված հակամարտությունը շարունակվում է 2011 թվականից։ 2017 թվականի վերջին Սիրիայում և Իրաքում հայտարարվել էր ԴԱԻՇ ահաբեկչական խմբավորման նկատմամբ հաղթանակի մասին։

Երկրի առանձին շրջաններում շարունակվում են գրոհայիններից մաքրումները։ Այս պահին առաջին պլան է մղվում քաղաքական կարգավորումը, Սիրիայի վերականգնումը, ինչպես նաև փախստականների վերադարձը:

Hayatsk.info

Հեշթեգներ: Սիրիա  


Վերնագիրի այլ պիտակները