Յագուբ Մահմուդով. «Ղարաբաղի քրիստոնեական հուշարձանները հին ադրբեջանա-ալբանական ժառանգություն է»

09:14   28 Նոյեմբեր 2020    512

«Քրիստոնեական հուշարձանների պաշտպաններին» ասում եմ, որ հայ վանդալները նախկին Իրևանի խանության տարածքում, այդ թվում՝ Իրևան քաղաքում, հողին են հավասարեցրել ադրբեջանական ժողովրդին պատկանող ավելի քան 300 մզկիթ, բազմաթիվ գերեզմանատներ և պատմական հուշարձաններ:

Ներկայումս հայ վանդալների գազանությունները մենք տեսնում ենք նաև օկուպացիայից ազատագրված տարածքներում: Այնտեղ ավերվել են մեր մզկիթներն ու այլ պատմական հուշարձանները, որոշ մզկիթներում խոզեր և կովեր են պահել:

Սա մեծ վիրավորանք է ոչ միայն ադրբեջանական ժողովրդի, այլև ամբողջ իսլամական աշխարհի համար: Սակայն, այս ամենը որոշ արևմտյան շրջանակներին ամենևին չի հետաքրքրում, «քրիստոնեական հուշարձանների պաշտպանները» լռում են:

Hayatsk.info-ն հայտնում է, որ այս մասին հայտարարել է Ադրբեջանի Գիտությունների ազգային ակադեմիայի Պատմության ինստիտուտի տնօրեն, ակադեմիկոս Յագուբ Մահմուդովը:

Նա ընդգծել է, որ Ղարաբաղի քրիստոնեական հուշարձանները հին ադրբեջանա-ալբանական ժառանգություն է:

«Ապացուցված է, որ հայերը Կովկասում եկվոր ժողովուրդ են: Նրանք Հյուսիսային Ադրբեջան են տեղափոխվել ցարական Ռուսաստանի կողմից: Սա անհերքելի փաստ է, որն ապացուցված է մարդաբանական, գրավոր և այլ աղբյուրների կողմից, հարյուրավոր արխիվային փաստաթղթերով», - ընդգծել է Յագուբ Մահմուդովը:

Hayatsk.info

Հեշթեգներ: Յագուբ-Մահմուդով  


Վերնագիրի այլ պիտակները