Բրիտանիան կորոնավիրուսի դեմ պատվաստանյութի եւս 2 մլն չափաբաժին է պատվիրել Նուբար Աֆեյանից

16:34   29 Նոյեմբեր 2020    248

Մեծ Բրիտանիայի կառավարությունն այսօր՝ նոյեմբերի 29-ին, ստորագրել է համաձայնագիր Նուբար Աֆեյանի Moderna ընկերության ստեղծած կորոնավիրուսի դեմ պատվաստանյութի լրացուցիչ 2 մլն չափաբաժնով երկիրն ապահովելու մասին, հաղորդվում է Բրիտանիայի կառավարության կայքում:

Այդկերպ, կորոնավիրուսի դեմ այդ պատվաստանյութի չափաբաժինների թիվը, որը տրամադրվել է Մեծ Բրիտանիային, հասել է 7 միլիոնի, տեղեկացնում է Hayatsk.info-ն:

Ըստ այդ համաձայնագրի՝ այժմ Մեծ Բրիտանիային հասանելի է բավարար քանակությամբ դեղամիջոց շուրջ 3.5 մլն մարդու պատվաստելու համար:

Դեղամիջոցների եւ բժշկական նշանակության պարագաների վերահսկման վարչության կողմից պատվաստանյութը հաստատելու դեպքում այն կմատակարարվի Մեծ Բրիտանիային 2021 թվականի գարնանը:

Ընդհանուր առմամբ երկրի կառավարությունն ապահովել է 357 մլն պատվաստանյութի չափաբաժին յոթ տարբեր լաբորատորիաներից եւ ընկերություններից:

Hayatsk.info

Հեշթեգներ: Աշխարհ    


Վերնագիրի այլ պիտակները