Իսրայելցիներին խորհուրդ են տալիս խուսափել ԱՄԷ քաղաքացիների հետ մի շարք թեմաների քննարկումից

08:22   02 Դեկտեմբեր 2020    231

«Մի քարոզեք ժողովրդավարություն, մի խոսեք արքայական ընտանիքների մասին եւ մի մեկնաբանեք օտարերկրյա աշխատողների հանդեպ վերաբերմունքը»:

Իսրայելը զբոսաշրջության ոլորտի մասնագետներին եւ գործարարներին խորհուրդ է տալիս խուսափել Արաբական Միացյալ Էմիրությունների բնակիչների հետ այս եւ այլ զգայուն քաղաքական թեմաների քննարկումից, գրում է NPR-ն:

Զբոսաշրջության նախարարության եբրայերեն 29 էջանոց տեղեկագիրը Իսրայելի կառավարության առաջին հրապարակային մեկնաբանությունն է ԱՄԷ-ի քաղաքական ազատությունների վերաբերյալ, բայց չի քննադատում ենթադրյալ չարաշահումները, տեղեկացնում է Hayatsk.info-ն:

«Արաբական Միացյալ Էմիրությունները ոչ ժողովրդավարական երկիր է, եւ անընդունելի է խոսել ժողովրդավարության՝ որպես կառավարման նախընտրելի մոդելի մասին»,- ասվում է զեկույցում: Նա նաեւ խորհուրդ է տալիս «էմիրաթցիների հետ չխոսել արքայական ընտանիքների մասին», «խուսափել տեղական քաղաքականության մասին» եւ «օտարերկրյա աշխատողների նկատմամբ կառավարության կամ կառավարության քաղաքականության մասին խոսելուց»:

Նախարարությունում ասում են, որ այս ուղեցույցները ոչ թե կառավարության քաղաքականությունն են, այլ մշակութային առանձնահատկությունների վերաբերյալ խորհրդատվություններ, որոնք նախատեսված են հիմնականում իսրայելական տուրօպերատորների համար, որոնք պատրաստվում են Էմիրություններից հյուրեր ընդունել: Առաջիկա տարիներին Իսրայելը ակնկալում է Պարսից ծոցից 100 000 այցելուներ ունենալ, որոնցից շատերը, ինչպես սպասվում է, կայցելեն իսլամի երրորդ ամենակարեւոր վայրը՝ Երուսաղեմի Ալ-Աքսա մզկիթ:

Hayatsk.info

Հեշթեգներ: Իսրայել  


Վերնագիրի այլ պիտակները