Վրաստանում մեկնարկում է կորոնավիրուսի դեմ մարդկանց լայնամասշտաբ թեստավորումը

20:38   02 Դեկտեմբեր 2020    165

Վրաստանի վարչապետին կից COVID-19-ի դեմ պայքարի միջգերատեսչական համակարգող խորհուրդը որոշել է սկսել քաղաքացիների լայնամասշտաբ թեստավորում՝ վարակվածներին արագ հայտնաբերելու և նրանց ինքնամեկուսացման կամ կլինիկաներ տեղափոխելու համար:

Այս մասին հայտարարել է համակարգող խորհրդի օպերատիվ շտաբի պետի տեղակալ Բերդիա Սիչինավան, տեղեկացնում է Hayatsk.info-ն:

Նշվում է, որ զանգվածային պատվաստումները կիրականացվեն մինչև փետրվարի 1-ը: Օրական կիրականացվի վարակի հայտնաբերման շուրջ 20 հազար պետական թեստ: Մասնակցելու են նաև մասնավոր կլինիկաները և լաբորատորիաները:

Ըստ Սիչինավայի, բացի PCR թեստերից, կառավարությունը կավելացնի նաև անտիգենի վրա հիմնված արագ թեստերի քանակը, որոնց պատասխանը պատրաստ է լինում 20 րոպեում: Այսօր հանրապետությունում ամեն օր իրականացվում է միջինը 10 հազար թեստ:

Hayatsk.info

Հեշթեգներ: Աշխարհ    


Վերնագիրի այլ պիտակները