ԱՄՆ-ն և Իսրայելը պատրաստվում են հարվածել Իրանին

14:28   04 Դեկտեմբեր 2020    165

Վերջին մի քանի օրվա ընթացքում Իսրայելի Պաշտպանության բանակի բարձրաստիճան սպաները «համակարգող բանակցություններ» են վարել ԱՄՆ Կենտրոնական հրամանատարության (CENTCOM, որը ներառում է Մերձավոր Արևելքը) իրենց գործընկերների հետ՝ ամրապնդելու երկու երկրների միջև ռազմական համագործակցությունը «տարածաշրջանում իրանական հավանական վրեժի դեմ»:

Թեհրանի պաշտոնյաները նախորդ ուրբաթից սպառնացել են պատասխանել միջուկային գիտնական Մոհսեն Ֆահրիզադեի սպանությանը: Իրանը հրապարակավ մեղադրել է Իսրայելին Իսլամական Հանրապետության առաջատար միջուկային փորձագետին ֆիզիկապես վերացնելու գործողություն իրականացնելու համար, գրում է «Breaking Defense»-ը (BD):

Ըստ աղբյուրի՝ Իսրայելի Պաշտպանության ուժերը (ՑԱԽԱԼ) բերվել են պատրաստության ամենաբարձր աստիճանի, մասնավորապես՝ հետ մղելու «Լիբանանում Իրանի կողմից աջակցվող «Հեզբոլլահ»-ի և Եմենի ապստամբների մոտ գտնվող 140,000 հրթիռներից մի քանիսը»:

ՑԱԽԱԼ-ը չի բացահայտում պատերազմի նախապատրաստման մանրամասները, սակայն դրա հակահրթիռային պաշտպանության համակարգերը բոլոր երեք մակարդակներում՝ մարտավարական, գործառնական և հեռահար, բարձր պատրաստվածության փուլում են:

Hayatsk.info

Հեշթեգներ: ԱՄՆ   Իսրայել  


Վերնագիրի այլ պիտակները