ԱՄՆ-ը պահանջում է Նավալնիին անհապաղ ազատ արձակել․ Պոմպեո

13:45   18 Հունվար 2021    170

ԱՄՆ պետքարտուղար Մայք Պոմպեոն կոչ է արել անհապաղ ազատ արձակել Ռուսաստան ժամանելուն պես ձերբակալված ընդդիմադիր գործիչ Ալեքսեյ Նավալնիին։

Այս մասին հայտնում է Պետդեպի մամուլի ծառայությունը, տեղեկացնում է Hayatsk.info-ն։

«Մենք կոչ ենք անում ռուսական իշխանություններին հավասար պայմաններ ստեղծել ընտրական գործընթացին մասնակցել ձգտող բոլոր կուսակցությունների ու թեկնածուների համար։ Մենք պահանջում ենք անհապաղ, առանց որևէ պայմանի ազատ արձակել Նավալնիին»,-ասել է Պոմպեոն։

Ինչպես ավելի վաղ հայտնել էինք, երեկ երեկոյան Նավալնին Բեռլինից վերադարձել է Մոսկվա՝ Գերմանիայում բուժվելուց հետո: Նա «Շերեմետևո» օդանավակայան է ժամանել «Պոբեդա» ավիաընկերության DP 936 չվերթով ՝ Բրանդենբուրգի օդանավակայանից:

Hayatsk.info

Հեշթեգներ: Աշխարհ    


Վերնագիրի այլ պիտակները