Դոդոնը Սանդուին մեղադրել է սահմանդրությունը խախտելու համար

17:13   18 Հունվար 2021    185

Մոլդովայի նախկին նախագահ, Սոցիալիստական կուսակցության նախագահ Իգոր Դոդոնը երկուշաբթի օրը ճեպազրույցի ընթացքում հայտարարել է, որ Սոցիալիստական կուսակցությունը նորընտիր նախագահ Մայա Սանդուից պահանջում է վարչապետի թեկնածու առաջադրել մինչև փետրվարի 1-ը:

Hayatsk.info-ն հայտնում է, որ այս մասին գրում է «ՌԻԱ Նովոստի» գործակալությունը:

Մոլդովայի վարչապետ Իոն Կիկուն հրաժարական է տվել դեկտեմբերին, որպեսզի երկրում անցկացվեն արտահերթ խորհրդարանական ընտրություններ: Համաձայն տեղական օրենսդրության, երկրի նախագահը պետք է առաջադրի վարչապետի թեկնածու, բայց փոխարենը Սանդուն դիմել է Սահմանադրական դատարան`հարցնելով, թե խորհրդարանը կարո՞ղ է հայտարարել ինքնալուծարման մասին, և ստացել է բացասական պատասխան: Այդ կապակցությամբ, Դոդոնը երկուշաբթի հրավիրել է Սոցիալիստական կուսակցության գործադիր կոմիտեի նիստ՝ քննարկելու սահմանադրական և կառավարական ճգնաժամը:

«Կառավարության հրաժարականից անցել է գրեթե մեկ ամիս, երկրի նախագահը պարտավոր է վարչապետի թեկնածու առաջադրել խորհրդարանական խմբակցությունների հետ խորհրդակցելուց հետո, Մայա Սանդուն արդեն խախտում է սահմանադրությունը: Այս պայմաններում Սոցիալիստական կուսակցությունը պահանջում է մինչև փետրվարի 1-ը նշանակել վարչապետի թեկնածու, քանի որ այդ օրը սկսվում է խորհրդարանի նոր աշխատանքային նստաշրջանը»,- ասել է Դոդոնը:

Hayatsk.info

Հեշթեգներ: Դոդոն   Սանդու  


Վերնագիրի այլ պիտակները