ԵՄ-ն ցանկանում է նվազեցնել դոլարի դերն իր տնտեսության մեջ

10:41   19 Հունվար 2021    186

ԵՄ-ն ցանկանում է բարձրացնել եվրոյի դերը համաշխարհային հարթակում՝ այդպիսով նվազեցնելով դոլարի դերը անդամ-պետությունների տնտեսության մեջ:

Hayatsk.info-ն հայտնում է, որ այս մասին գրում է «Financial Times»-ը:

Լրատվամիջոցը մանրամասնում է՝ Եվրահանձնաժողովը պատրաստել է փաստաթղթի նախագիծ, որտեղ հստակեցվում է ամերիկյան արժույթից անկախության ամրապնդման անհրաժեշտության մասին:

Ըստ փաստաթղթի՝ ԱՄՆ գործող նախագահը Դոնալդ Թրամփի նախագահության օրոք բացահայտվել են ԵՄ-ի թույլ կողմերը, որոնք շտկման կարիք ունեն:

«Խոսքը վերաբերում է աշխարհում ԵՄ-ի դիրքին, որպեսզի այն ունենա մեր չափերի հետ համադրելի տնտեսական ու ֆինանսական հզորություն»,- թերթը մեջբերել է հանձնաժողովի ներկայացուցչի խոսքը:

Նախատեսվում էր հարցը բարձրացնել մինչև ԱՄՆ նորընտիր նախագահ Ջո Բայդենի երդմնակալությունը:

Ըստ FT-ի՝ ԵՀ-ի այս դիրքորոշման վրա ազդել է Իրանի հետ կապված Թրամփի օրոք Վաշինգտոնի վարած ռազմավարությունը: Մասնավորապես՝ այն ազդել է մի շարք եվրոպական ֆինանսական ենթակառուցվածքների վրա, այդ թվում՝ SWIFT, Euroclear և Clearstream կարգավորման համակարգերի:


Իրանի դեմ սահմանված պատժամիջոցները ԵՄ-ին ստիպել են ստեղծել վճարման հատուկ համակարգեր առևտրի համար, հետևաբար Միության երկրները պետք է պաշտպանված լինեն նման միջոցառումների «ապօրինի արտատարածքային օգտագործման հետևանքներից»:

Միևնույն ժամանակ փաստաթղթում նշվում է, որ ԵՄ-ն կարող է օգտագործել կորոնավիրուսային համավարակը սեփական դրամական միավորի դերը համաշխարհային հարթակում բարձրացնելու համար:

Hayatsk.info

Հեշթեգներ: ԵՄ  


Վերնագիրի այլ պիտակները