Հիմնական մարտահրավերն ԱՄՆ-ին նետում են Ռուսաստանն ու Չինաստանը․ Պենտագոնի ղեկավարի թեկնածու

11:14   20 Հունվար 2021    169

Պենտագոնի ղեկավարի թեկնածու Լլոյդ Օսթինը հայտարարել է, որ ԱՄՆ-ին հիմնական մարտահրավերը նետում են Չինաստանն ու Ռուսաստանը։

«Ես կարծում եմ, որ 2018 թվականի Պաշտպանության ազգային ռազմավարությունը ճշմարտացիորեն է որակում Չինաստանին ու Ռուսաստանին որպես հիմնական մարտահրավերներ, որոնք խախտում են անվտանգության գլոբալ մթնոլորտը։ Սակայն ես կարծում եմ, որ Չինաստանն առավել մեծ առաջնահերթություն է՝ վերելքի և ռազմական արդիականցման մասշտաբի պատճառով»,-հայտարարել է Օսթինը Սենատում իր թեկնածության հաստատման նպատակով անցկացված լսումների ժամանակ։

Նա կոչ է արել պատասխանատվության ենթարկել Ռուսաստանին, եթե հաստատվի, որ նա է կանգնած ԱՄՆ-ի նկատմամբ իրականացված կիբերհարձակումերի հետևում։

Ռուսաստանն ու Չինաստանը, մասնավորապես, լուրջ սպառնալիք են ներկայացնում ԱՄՆ-ի համար տիեզերքում։ Գեներալի խոսքով՝ տիեզերքն արդեն հանդիսանում է մեծ տերությունների մրցակցության դաշտ։

Իր հերթին պետքարտուղարի թեկնածու Էնթոնի Բլինկենը հայտարարել է, որ նոր վարչակազմը կդիտարկի հակառուսական պատժամիջոցների խստացման հնարավորությունը։

Hayatsk.info

Հեշթեգներ: Պենտագոն  


Վերնագիրի այլ պիտակները