Ավելի քան 3000-ամյա պատմություն. հնագետները Եգիպտոսում 54 հնագույն սարկոֆագ են հայտնաբերել

13:15   20 Հունվար 2021    250

Հնագետները Կահիրեից հարավ գտնվող Սակարա դամբանադաշտում 54 փայտե սարկոֆագ են հայտնաբերել, որոնք ավելի քան 3 հազար տարեկան են:

Հայտնաբերվել է նաև Նեյթ թագուհու հուղարկավորության տաճարը, նրա ամուսնու՝ Եգիպտոսի 6-րդ դինաստիայի թագավորի Թեթիի բուրգի մոտ․ այն շուրջ 4200 տարվա վաղեմություն ունի, տեղեկացնում է Hayatsk.info-ն։

Հնագիտական առաքելության ընթացքում, որը ղեկավարել է Զահի Հավասը, հայտնաբերվել են նաև խաղեր և արձաններ։

«Այդ բոլոր հայտնագործությունները վերաշարադրելու են Սակարայի և Նոր Թագավորության պատմությունը»,- վստահեցրել է Հավասը:

Ավելի վաղ նույն վայրում հայտնաբերվել էին Հին Եգիպտոսի (մ.թ.ա. 662-332) և պտղոմեացիների (մ.թ.ա. 332-30 թթ.) ուշ շրջանի սարկոֆագներ և այլ առարկաներ։

Երկրի իշխանությունները ցանկանում են նոր հայտնաբերված արտեֆակտները ներկայացնել հանրությանը, քանի որ կորոնավիրուսի ֆոնին Եգիպտոսի զբոսաշրջային ոլորտը մեծապես տուժել է:

Hayatsk.info

Հեշթեգներ: Աշխարհ    


Վերնագիրի այլ պիտակները