Պենտագոնի ղեկավարի թեկնածուն ՌԴ-ի հետ սերտ համագործակցության պատրաստակամություն է հայտնել

15:26   20 Հունվար 2021    193

ԱՄՆ պաշտոնաթող գեներալ Լլոյդ Օսթինը, որը նորընտիր նախագահ Ջո Բայդենի կողմից առաջադրվել է Պենտագոնի ղեկավարի պաշտոնում, հայտարարել է նշանակվելու դեպքում Ռուսաստանի հետ սերտորեն համագործակցելու պատրաստակամության մասին:

Hayatsk.info-ն հայտնում է, որ այս մասին հայտնում է ՏԱՍՍ-ը:

Օսթինի խոսքով՝ ինքը մտադիր է ուղիներ որոնել «լարվածության վտանգավոր սրումը կանխելու համար», ինչպես նաև պաշտպանել Ամերիկայի Միացյալ Նահանգների շահերն ու արժեքները:

«Եվ ես բաց կթողնեմ Ռուսաստանի հետ փոխադարձ հետաքրքրություն ներկայացնող ոլորտներում ավելի մեծ համագործակցության դռները»,- ընդգծել է Օսթինը:

Միևնույն ժամանակ, հավանական համագործակցության ոլորտների շարքում Օսթինն առանձնացրել է վերահսկողությունը սպառազինության նկատմամբ, ահաբեկչության դեմ պայքարը, զանգվածային ոչնչացման զենքի տարածման կանխումը, ինչպես նաև ռազմական բախումների դադարեցումն այն տարածաշրջաններում, որտեղ Ռուսաստանի և ԱՄՆ զորքերը գործում են միմյանց մոտ։

Իր ելույթում Օսթինը հստակեցրել է, որ ամերիկյան կողմի հիմնական խնդիրը «Ռուսաստանին զսպելն» է:

«Մոսկվան իր աշխարհաքաղաքական նպատակներին հասնելու համար օգտագործում է այնպիսի միջոցներ, այդ թվում ՝ ռազմական, որոնք հակասում են ամերիկյան շահերին և միջազգային իրավունքի դրույթներին», - շեշտել է նա:

Օսթինը հավելել է նաև, որ ռազմավարական հարձակողական զենքի հետագա կրճատմանն ու սահմանափակմանն ուղղված միջոցառումների պայմանագրի երկարաձգումը բխում է ԱՄՆ ազգային անվտանգության շահերից:

Hayatsk.info

Հեշթեգներ: Պենտագոն  


Վերնագիրի այլ պիտակները