Հռոմի պապը բաց կթողնի ծառայությունը վատառողջության պատճառով

13:56   24 Հունվար 2021    220

Հռոմի պապ Ֆրանցիսկոսը վատառողջության պատճառով առաջիկա մի քանի օրերին չեղյալ է հայտարարել իր մասնակցությունը մի շարք ծառայություններին, հայտնում է «Vatican News»-ը՝ հղում անելով Սուրբ Աթոռի մամուլի ծառայության ղեկավար Մատեո Բրունիին:

Բրունիի խոսքով՝ պապը ռադիկուլիտ՝ նստանյարդի բորբոքում ունի. ցավը տարածվում է մեջքի ստորին հատվածից դեպի ոտքերը:

Միևնույն ժամանակ, չնայած վատառողջությանը, Հռոմի պապը չեղյալ չհայտարարեց հավատացյալներին ուղղված խոսքը Առաքելական պալատի գրադարանից, որը նախատեսված է հունվարի 24-ին:

Ավելի վաղ, ռադիկուլիտի պատճառով պապը Սուրբ Պետրոսի տաճարում չի մասնակցել Ամանորի ծառայությանը:

Hayatsk.info

Հեշթեգներ: Հռոմի-պապ-Ֆրանցիսկոս  


Վերնագիրի այլ պիտակները