Մոսկվան շահագրգռված է Թեհրանի հետ ղարաբաղյան իրավիճակի վերաբերյալ երկխոսության ակտիվացմամբ

15:05   26 Հունվար 2021    465

ՌԴ նախարարը հանդիպել է իրանցի գործընկերոջ հետ, որը մինչ այդ եղել էր Բաքվում ու Թբիլիսիում։ Մոսկվայից հետո նա մտադիր է այցելել Երևան։

Մոսկվան ու Թեհրանը նշել են երկկողմ շահագրգռվածությունը տարածաշրջանային մի շարք հարցերի, այդ թվում՝ Լեռնային Ղարաբաղի շուրջ իրավիճակի վերաբերյալ երկխոսության ակտիվացման մեջ։

Hayatsk.info-ն հայտնում է, որ այս մասին այսօր հայտարարել է ՌԴ արտգործնախարար Սերգեյ Լավրովը՝ Իրանի արտգործնախարար Մոհամադ Ջավադ Զարիֆի հետ բանակցությունների մեկնարկին։

«Հաշվի առնելով մեր երկրների դերը տարածաշրջանում՝ մենք հետաքրքրված ենք խորացնելու երկխոսությունն այնպիսի հարցերի շուրջ, ինչպիսիք են անվտանգությունը Պարսից ծոցում, աֆղանստանյան կարգավորման խնդիրները, ու իհարկե, կարելի է քննարկել իրավիճակը, որը ստեղծվել է Լեռնային Ղարաբաղի շուրջ Ռուսաստանի, Ադրբեջանի ու Հայաստանի ղեկավարների միջև ձեռք բերված պայմանավորվածություններից հետո»,- ասել է Ռուսաստանի արտգործնախարարը։

Hayatsk.info

Հեշթեգներ: Մոսկվա   Թեհրան  


Վերնագիրի այլ պիտակները