Իրանը գրանցել է ռուսական Sputnik V պատվաստանյութը

21:02   26 Հունվար 2021    199

Իրանի արտգործնախարար Մոհամադ Ջավադ Զարիֆը հայտարարել է կորոնավիրուսի դեմ ռուսական Sputnik V պատվաստանյութը գրանցելու մասին:

«Ես ուզում եմ տեղեկացնել, որ Sputnik V պատվաստանյութը երեկ գրանցվել է Իրանում: Այն հաստատվել է մեր սանիտարական իշխանությունների կողմից», – ասել է նա իր ռուս գործընկեր Սերգեյ Լավրովի հետ բանակցություններից հետո կայացած մամուլի ասուլիսում, տեղեկացնում է Hayatsk.info-ն:

Զարիֆը հավելել է, որ Թեհրանը նախատեսում է առաջիկայում ձեռք բերել պատվաստանյութը, ինչպես նաև համատեղ արտադրություն սկսել Ռուսաստանի հետ:

Sputnik V պատվաստանյութն արդեն գրանցվել է Ռուսաստանում, Բելառուսում, Սերբիայում, Հունգարիայում, Ալժիրում, Արգենտինայում, Արաբական Միացյալ Էմիրություններում, Պաղեստինում, Վենեսուելայում և այլ երկրներում: Ավելի վաղ RDIF- ը հայտարարել էր, որ առաջիկա երկու շաբաթվա ընթացքում պատվաստանյութը կգրանցվի ավելի քան 25 երկրներում:

Hayatsk.info

Հեշթեգներ: Աշխարհ    


Վերնագիրի այլ պիտակները