Դեսպան. Եռակողմ հայտարարությունը Ադրբեջանի ուղերձն էր տարածաշրջանի երկրներին

17:45   01 Մարտ 2021    390

44-օրյա պատերազմից հետո ստորագրված եռակողմ հայտարարությունը՝ դարձավ Ադրբեջանի ուղերձը տարածաշրջանի երկրներին:

Hayatsk.info-ն հայտնում է, որ այս մասին՝ Կում քաղաքում Ղարաբաղին նվիրված միջազգային խորհրդաժողովում իր ելույթի ժամանակ ասել է՝ Իրանում Ադրբեջանի դեսպան Բունյադ Հուսեյնովը:

Նա նշել է, որ Առաջին ղարաբաղյան պատերազմի ժամանակ Ադրբեջանը կռվում էր բարեկամական երկրների աջակցությամբ. «Բայց այդ ժամանակ Ադրբեջանում չկար այնպիսի առաջնորդ, որը կապահովեր նրա ապագան: Համազգային առաջնորդ Հեյդար Ալիևի իշխանության գալով և հարևան երկրների հետ նրա հարաբերությունների ամրապնդմամբ՝ Ադրբեջանի կապերն Իրանի հետ էլ ավելի են ամրապնդվել և շարունակվում են մինչ օրս»:

Բ.Հուսեյնովը նշել է, որ ադրբեջանական ժողովուրդը չի մոռացել և չի մոռանա Իրանի աջակցությունը՝ ինչպես առաջին, այնպես էլ երկրորդ ղարաբաղյան պատերազմների ժամանակ:

Դեսպանը ընդգծել է նաև, որ Ադրբեջանն ու Իրանը համագործակցելու են Ղարաբաղի վերականգնման հարցում:

Hayatsk.info

Հեշթեգներ: Ղարաբաղ   Իրան  


Վերնագիրի այլ պիտակները