Նիգերիայում զինյալները հարձակվել են ՄԱԿ-ի բազայի վրա

09:56   02 Մարտ 2021    111

Նիգերիայի հյուսիս-արևելքում «Իսլամական պետություն» ահաբեկչական խմբավորման հետ կապված զինյալները հարձակվել են ՄԱԿ-ի բազայի և հումանիտար օգնության կենտրոնի վրա, իսկ բազայի 25 աշխատակիցներ գտնվում են պաշարման մեջ:

Այս մասին հայտնում է «Ֆրանս Պրես» գործակալությունը՝ վկայակոչելով անվտանգության և հասարակական կազմակերպությունների աղբյուրներ:

«Մարդասիրական կենտրոնն ամբողջությամբ այրվել է գրոհայինների կողմից, սակայն աշխատակիցները չեն տուժել ... 25 աշխատակիցներ թաքնվում են ապաստարանում, որը գրոհայինների կողմից շրջափակման մեջ է», - գործակալությանը հայտնել են աղբյուրները:

Ենթադրաբար, հարձակումը իրականացրել են «Իսլամական պետության արեւմտաաֆրիկյան նահանգ» ահաբեկչական խմբավորման անդամները:

Hayatsk.info

Հեշթեգներ: Նիգերիա  


Վերնագիրի այլ պիտակները