Ղարիբաշվիլի. Արտահերթ ընտրությունների հարցը չի քննարկվում

15:44   02 Մարտ 2021    139

Ընդդիմությունն արտահերթ ընտրություններ անցկացնելու համար «լեգիտիմ հիմքեր» չունի, եւ իշխանության համար այդ պահանջը նախկինի պես մնում է «կարմիր գիծ»:

Hayatsk.info-ն հայտնում է, որ այս մասին հայտարարել է Վրաստանի վարչապետ Իրակլի Ղարիբաշվիլին:

Եվս մեկ անգամ մեկնաբանելով նախօրեին ընդդիմության հետ կայացած հանդիպումը, որը կազմակերպել էր Եվրոպական խորհրդի նախագահ Շառլ Միշելը, նա նշել է, որ հանդիպմանը քննարկվել են հարցեր, որոնք առաջադրել էին ընդդիմադիր կուսակցությունները:

Նա նշել է, որ իշխող կուսակցությունը մտադիր է գործել «բացառապես երկրի եւ ժողովրդի շահերից, այլ ոչ թե ինչ-որ անհատների կամ կուսակցության շահերից ելնելով»:

Երկրորդ հարցը, նրա խոսքով, ընտրական բարեփոխումներ անցկացնելու պատրաստակամությունն է, եւ կառավարությունը սկսել է այդ հարցով կոնկրետ քայլեր ձեռնարկել:

Երրորդ հարցը, Ղարիբաշվիլիի խոսքով, այն է, որ արտահերթ ընտրությունների մասով սկզբունքային դիրքորոշումն անփոփոխ է, դա «կարմիր գիծ» է, որը չի քննարկվի:

«Ես լսեցի կառուցողական, խելամիտ կարծիքներ, եւ դա հիմքեր է տալիս լավատեսության համար: Կարծում եմ՝ ընդդիմության հետ երկխոսությունը կշարունակվի եւ հաջող ավարտ կունենա: Դա նշանակում է, որ մենք պետք է կարողանանք աշխատել միասնական խորհրդարանում, որպեսի երկիրը վերադառնա իր նորմալ քաղաքական կյանքին»,-հայտարարել է նա:

Hayatsk.info

Հեշթեգներ: Ղարիբաշվիլի  


Վերնագիրի այլ պիտակները