Չինաստանը խորհուրդ է տվել դադարել Թեհրանի վրա ճնշում գործադրել միակողմանի պատժամիջոցներով

18:48   07 Մարտ 2021    397

Չինաստանի իշխանությունները խորհուրդ են տալիս ԱՄՆ վարչախմբին դադարել Թեհրանի վրա ճնշում գործադրել միակողմանի պատժամիջոցներով եւ վերադառնալ Իրանի հետ միջուկային գործարքի դրույթների շրջանակում պարտավորությունների կատարմանը, հայտարարել է ՉԺՀ ԱԳ նախարար Վան Ին, հաղորդում է ՏԱՍՍ-ը:

«Սպիտակ տան նոր վարչակազմն արդեն մտադրություն է հայտնել իրանական միջուկային խնդրի շուրջ Համատեղ համապարփակ գործողությունների ծրագրին վերադառնալու հարցում... Մենք լիահույս ենք ԱՄՆ-ի անկեղծ մտադրությունների հարցում եւ համարում ենք, որ Վաշինգտոնը պետք է անհապաղ ձեռնարկի կառուցողական քայլեր, չեղարկի Իրանի, ինչպես նաեւ երրորդ երկրների դեմ միակողմանի պատժամիջոցները»,-հայտարարել է նա Պեկինում կայացած մամուլի ասուլիսի ժամանակ, տեղեկացնում է Hayatsk.info-ն:

Վան Իի խոսքով՝ Չինաստանը հույս ունի, որ Միացյալ Նահանգները կչեղարկեն ինչպես մասնավոր անձանց, այնպես էլ կազմակերպությունների դեմ պատժամիջոցները, որոնց ամերիկյան իշխանությունները մեղադրում են «Թեհրանի հետ ապօրինի համագործակցության մեջ»:

«ՀՀԳԾ-ն չի կարող լուծել Մերձավոր Արեւելքում եւ Պարսից ծոցի տարածքում բոլոր խնդիրները... Մենք առաջարկում ենք ստեղծել բազմակողմանի հարթակ երկխոսության համար, որը հասանելի կլինի բոլոր շահագրգիռ կողմերին: Դրա շնորհիվ կարելի է համատեղ ջանքերով չեղարկել տարաձայնությունները, ապահովել խաղաղություն եւ կայունություն այդ տարածաշրջանում»,-եզրափակել է նախարարը:

Hayatsk.info

Հեշթեգներ: Չինաստան  


Վերնագիրի այլ պիտակները