ԱՄՆ-ում վրդովվել են Ուկրաինայից Չինաստան շարժիչների մատակարարման պատճառով․ WT

13:34   17 Օգոստոս 2018    114

Ինչպես տեղեկացնում է Hayatsk.info-ն՝ վկայակոչելով "The Washington Times"-ին, ԱՄՆ փորձագետները երկրի իշխանություններին կոչ են անում ճնշում գործադրել Ուկրաինայի վրա, որը Չինաստան սեփական արտադրության ռեակտիվ շարժիչներ է մատակարարում։

Պարբերականի տվյալներով՝ «Մոտոր Սիչ» ուկրաինական ընկերությունը 2016-ին Չինաստանի հետ գործարք է կնքել, որի համաձայն՝ Ուկրաինան չինացի գործընկերներին 380 մլն դոլարի 250 շարժիչ կհատկացնի՝ JL-10 մարտական-ուսումնական ինքնաթիռների համար։ 2016-ին Ուկրաինան արդեն ուղարկել է Չինաստան նման 20 շարժիչ։ Այդպիսի ինքնաթիռներով չինացիները մտադիր են իրենց օդաչուներին սովորեցնել ավիակիրների վրա վայրէջք կատարել։

ԱՄՆ սենատի միջազգային հարաբերությունների հանձնաժողովի նախկին խորհրդական Ուիլյամ Թրիփլեթը հայտարարել է, որ ուկրաինական մատակարարումները Պեկինին օգնում են լուծել ռեակտիվ շարժիչների արտադրության հետ կապված խնդիրները։ Նրա խոսքով՝ «ուկրաինացիները վերցնում են ԱՄՆ-ի հարկատուների փողերը, սակայն մեջքից հարվածում են ամերիկյան նավատորմին»։

International Strategy and Assessment Center-ի փորձագետ Ռիք Ֆիշերը ևս ընդգծել է, որ Վաշինգտոնը պետք է ճնշի Կիևին, որպեսզի Չինաստան շարժիչների մատակարարումները դադարեն։

Hayatsk.info

Հեշթեգներ: ԱՄՆ   Ուկրաինա   Չինաստան  


Վերնագիրի այլ պիտակները