Ֆինլանդիայի խորհրդարանական ընտրություններում հաղթել է Սոցիալ-դեմոկրատական կուսակցությունը

09:27   15 Ապրիլ 2019    221

Ֆինլանդիայի պատմության մեջ առաջին անգամ խորհդարանական ընտրություններում ոչ մի կուսակցություն ձայների 20 տոկոս չի հավաքել, իսկ երեք առաջատար կուսակցությունները ստացել են մոտ արդյունքներ, տեղեկացնում է երկրի արդարադատության նախարարությունը։

«Ձայների 100 տոկոսի հաշվարկից հետո Սոցիալ-դեմոկրատական (ընդդիմադիր) կուսակցությունը հավաքել է 17,7 տոկոս կամ խորհրդարանում ունի 40 տեղ, (նացիոնալիստական) «Իսկական ֆիններ»-ը հավաքել է 17,5 տոկոս կամ 39 տեղ, Կոալիցիոն կուսակցությունը ստացել է 17 տոկոս ձայն կամ 38 տեղ, (կառավարող) «Ֆինլանդական կենտրոն»-ը ստացել է 13,8 տոկոս կամ 31 տեղ, «Կանաչ միությունը»՝ 11,5 տոկոս կամ 20 տեղ, մնացածները՝ 10 տոկոսից պակաս»,- ասվում է հաղորդագրությունում, տեղեկացնում է Hayatsk.info-ն։

Ֆինլանդիայի խորհրդարանական ընտրությունների վերջնական պաշտոնական արդյունքները կհրապարակվեն ապրիլի 17-ին, յուրաքանչյուր ընտրական տարածքում ադյունքների հաստատումից հետո։

Hayatsk.info

Հեշթեգներ: Աշխարհ    


Վերնագիրի այլ պիտակները