Զելենսկիի գրասենյակում Պորոշենկոյի հետ կապված խուզարկություն է իրականացվել. Գլավկոմ

15:04   12 Հուլիս 2019    246

Ուկրաինայի հետաքննության պետական բյուրոյի աշխատակիցները նախագահ Վլադիմիր Զելենսկիի գրասենյակում խուզարկություն են անցկացրել՝ կապված երկրի նախկին նախագահ Պետրո Պորոշենկոյի պաշտոնավարման ընթացքում ռազմական գործողությունների պլանավորման հետ:

Hayatsk.info-ն հայտնում է, որ այս մասին հաղորդում է «Գլավկոմ» պարբերականը՝ հղում անելով ուժային կառույցների աղբյուրներին:

Պարբերականի զրուցակցի խոսքերով, ՀՊԲ-ի աշխատակիցներին հետաքրքրել են նիստերի վարման արձանագրությունները, ինչպես նաև հարցաքննվել են այն անձինք, որոնք ապահովել են գաղտնիության մակարդակը համապատասխան տարածքներում:

Աղբյուրը չի կարողացել հաստակեցնել, թե հատկապես ինչ են փնտրել քննիչները: Մասնավորապես, նրանց հետաքրքրել է ինֆորմացիան, թե ով և ինչ է ասել խորհրդակցությունների ժամանակ, ինչպես նաև ինչ հրամաններ են տրվել և ովքեր են ստորագրել գաղտնի փաստաթղթերը:

Hayatsk.info

Հեշթեգներ: Զելենսկի   Պորոշենկո  


Վերնագիրի այլ պիտակները