Բանտից ազատ է արձակվել Լիբիայի նախկին վարչապետը

17:53   21 Հուլիս 2019    162

Լիբիայի արդարադատության նախարարությունը վճռել է ազատ արձակել երկրի նախկին վարչապետ ալ-Բաղդադի ալ-Մահմուդին, ով ղեկավարում էր կառավարությունը Մուամար Կադաֆիի նախագահության օրոք, հաղորդում է Life-ը:

Կալանքից ազատելու պատճառ է դարձել բժիշկների եզրակացությունն այն մասին, որ ալ-Մահմուդին բուժում է անհրաժեշտ, որն անհնար է ապահովել բանտում: Ընդ որում, նրա նկատմամբ մեղադրանքը չի հանվել, տեղեկացնում է Hayatsk.info-ն:

Ալ-Բաղդադի ալ-Մահմուդին վարչապետ է եղել 2006-2011թթ.: Երբ ապստամբները տապալել են Կադաֆիի իշխանությունը, նա Թունիս է փախչել, որտեղից մեկ տարի անց արտահանձնվել է Լիբիային: Նրան ցույցերը ճնշելու համար մահապատժի են դատապարտել, սակայն վճիռն այդպես էլ չի իրականացվել;

Երկրում շարունակվում են մարտական գործողությունները, հարյուրավոր մարդիկ են զոհվում:

Hayatsk.info

Հեշթեգներ: Լիբիա   Աշխարհ  


Վերնագիրի այլ պիտակները